....................
عبد اللطيف السرار بقلمي
................
قصيدتي من الملحون المغربي
بقلمي
لالة مولات البهاء
أمري وحكمي لالة مولات البهة
وجودي بجودك جودي
وعليا حني راني مزاوك فحماك
أسيدي محمد شفيع الأمة رسول
وعليا ياريم لاتغيبي يمحني جفاك
ويرميني فكيسان الهوى والغرام
ونضيع ونتيه فزينك
ويتشفوا فيا العدى
عفاك لاتخليني ضحكا
من حبك منعس منرتاح
سهران الليل نفكر فيك و نوح
ونادي النجوم والقمر
يشوفوا لي هلالك
نعنقواو تزول غمتي
وتبرا جراحي
سولت عليك
يامسافر مع طلوع الشمس
بلغ سلامي ونواحي للزين
الهالكني منفعتني قوتي ولاحيلتي
غير نسلم عاد نرتاح
ونشم العبير الفواح بالزهر
سولوا ولدو موقنين
شحال شرح هدرتي
وزاد شجوني
ملي مايفهموه
غير أهل مراكش الدواقة
أناري أش داني نفضح سري
يغيروا مني اهل مكناس وفاس العلماء
ياك المغرب الحبيب كلوا فهم كلامي
بالله عليكم اللايمين لاتلوموني
غير عطفوا وحنوا
ياك نار الهوى قوية
شحال ريبات من قصور
تفشى سرها
ملي تجمعوا عليها العشيقات
فكاس المدام
ياك المثال يكول سقيه وسقسيه
الله يرحم جميع الملاحنية القدام
ويبارك فجداد
قادرين يشرحوا علتي
نبرا ونتشفا وتزول غمتي وسقامي
الأديب المغربي عبد اللطيف السرار بقلمي
ليست هناك تعليقات:
إرسال تعليق