....................
نذير دهان
...............
دقوا ع بابي بنص الليل
قالوا دخيلك جيب طبيب
شو اللي صاير؟؟! قالوا الويل
عما يموت،،ياخوفنا يغيب
أبنو الذل بيبكي عليه
والهم يبووس رجليه
كل ساعه بيفتح عينيه
يتنهد،،يصرخ مالي حبيب
يعني لو أموت يللي بيصير
ما في حرامي رح يرزق
والغشاش المالو ضمير
بدمع عيونو أكيد يغرق
والمجرم يللي بتستجير
منو الدنيا مابيشنق
والفسق يروح وضهرو يدير
وغير بالشرع ما يبقى حبيب
حضر الدكتور قال ع الفور
لا لا تخافوا مرضو بسيط
يومين تشوفوه متل التور
نازل بالإشراف تلبيط
ويزيد ظلم ولئم وجور
والشريف يروح زميط
واللي بورقة توت مستور
ينفضح تياب منين يجيب
يعني العورات رح بتبان
وورق التوت يصيرلو سعر
ويمسك ريشتو هالفنان
ويرسم درويش فوق الجمر
والغني بصورة سعدان
يأكل فقيرنا يمز بخمر
والناس تحلم بحور وجنان
ويدعوا املن لامايخيب
شعر؛ نذير دهان
ليست هناك تعليقات:
إرسال تعليق