ديوان أكاليل الإلكتروني لسفراء القلم

...............

: محفوظ البراموني :

..............

الناس غلابة ..

خلص العيد من فترة ..

و الناس عاشت ب السكرة ..

لا تعرف هي سكرة الموت ..

و للا السكوت المسكوت ..

مش عارفة تلاقيها ..

منين و للا منين ..

الأسعار كل حاجاتها مولعين ..

و هما يا عيني جيوبهم مفلسين ..

براكين ورا براكين ..

و الناس غلابة و متنكدين ..

رايحين مش عارفين ..

غرقانين دايما ضايعين ..

عميانين مش شايفين ..

ماشيين ع الشوارع تايهين ..

مش عارفين يروحوا فين ..

و للا يشتروا حاجتهم منين ..

نهارهم بقى ليل مسكين ..

ليلهم بقى نهار حزين ..

الناس جيه عليهم عيدين ..

و السنة الدراسية يا عين ..

جت تزود عليهم البلا طين ..

هما كمان مش ناقصين ..

مصاريف و طمع مدرسين ..

جت الدراسة خليتهم عريانين ..

مواسم و أعياد متتالين ..

و الله البشر مساكين ..

و أكل و شرب كله ورا بعض ..

كله ضرب مفيش شتيمة و لا عض ..

متخدرين واقعين ع الأرض ..

شوية كمان ..

و يحضر شهر رمضان ..

كل عام و إنتم ف خير و أمان ..

سعداء ب سعادة سعيدة ..

لا تنتهي سعادتها ف هذا الزمان ..

هذيان قلم :

: محفوظ البراموني :