ديوان أكاليل الإلكتروني لسفراء القلم

..................

( أنا وهي )

بقلم "محمد مبارك"

..............

راهنا كتير أنا وهي

على اللي يدمع الأول

ولقمنا الجراح فينا

ف نتظاهر ونتجمل

بقينا نحب تنهيدنا

لما فى بعض بنجرح

بقينا نشك في وعودنا

ولا لشكوكنا بنصرح

أنا وهي ...

بنسرح ياما في سكوتنا

بننظر لينا نظرة خوف

وبنغير في تون صوتنا

عشان خايفين من المكشوف

بقينا نطوف ...

فحسينا الكلام مألوف

عن الأعذار وع الفرقة

عن الأعمار وع السرقة

عن السلامات و أحضاننا

ماسلمناش .. ماهيش فارقة

عن المغزى اللي بين أتنين

بيعشقوا قطع أوتارهم

عن التلقيح وع التلميح

وع التجريح في أعذارهم

عشان نكسب كتير جولات

بنتهاون ف نخسرهم

لذلك كنا أنا وهي ...

بتنافس على اللى يعيش