ديوان أكاليل الإلكتروني لسفراء القلم

..........

أحمد طلبه

...........

رسايل مخفيه ٢
محبوبتي
بعد السلام وأحلي الكلام
من قلبي تاني
بكتب إليكي

كل الألام
بتروح أوام
لما بفكر ياحبيبتي فيكي

ما أنتي بجد وحشاني
واكتر مني عارفاني
بإني هعيش أنا بيكي
ومش هرضا بنصيب تاني

ولو كان الغرام إحساس
دا احساسي وانا أناني

أنا هبقا علي الأخلاص
ولا بعدك نصيب تاني

يا ست الناس واغلاهم
يا فرحه وهي دي ليلي

مشاعري وانتي حساهم
يا عشقي وإسمها ليلي

ويا ليلي
لايمكن عنك أتنازل
وكل الدنيا سمعاني

بحبك مهما كان حاصل
ولا بعدك نصيب تاني

❤️❤️❤️❤️❤️❤️❤️❤️

ياليلي
أكيد حاسه إن قلبي حنون
ومش شايفك
لكن حبي دا أسمه جنون
وبيه شايفك

ماانا المجنون عشان ليلي
ويا ليلي
أنا حاسك
وانا عشقك
وانا حبك وانا منك
وانا المسكين عشان إيده
ولا طايله

وياليلي
مانا العاشق وروحي معاكي
بالساعه وبالثانيه

وياليلي
ياست الحسن والمحاسيب
يانجمه في السما عاليا

انا يمكن مااشوفش الغيب
لكن قلبك دا مني قريب
لكني غريب

وعارفه بإن دي الغربه
كتير طايله
ولا عارفه ياست الحسن
بأن دموعي كتير سايله
وياليلي
بحبك حب ماتحبش ولا اتحسش
ولا زيه القلوب شايله

ولا زيه المشاعر حست
وانتي بجد عارفاني
بإن الناس خلاص عرفت
مافيش بعدك نصيب تاني

❤️❤️❤️❤️❤️❤️❤️❤️