ديوان أكاليل الإلكتروني لسفراء القلم

............

بقلم محمد عدلي محمد

...........

صورة لكنها خداعة

صورة لكنها خداعة
أداها ممثل ببراعة

قابيل تاني في زمانا
متخفي و لابس نضارة

اكمنو هو من الحساد
قال : عامل نفسو بيِدَارى

نادلو الشيطان و سمعلو
فادلو نصايح غدارة

المكر أصبح عنوانو
والظلم افتكرو شطارة

يا خسارة يا ناس يا خسارة
الصورة طلعت مكارة

**********

والصورة التانية فيها قابيل
عامل نفسو من الأعيان

عايز يصلح بين الناس
و يكون بينهم شخص عظيم

بفلوسو جذب الناس ليه
و خلاهم يكرهوا بعضيهم

دارت بينهم حرب و نار
و كلمتهم مش عادت ليهم

قابيل شاطر فتن الناس
فالصورة من تاني اسودت

يا خسارة يا ناس يا خسارة
الصورة طلعت مكارة

***********

و قلبت اشوف صورة تانية
لعلها تطلع براقة

فلقيت فيها برضو قابيل
و المرة دي مغير توبو

ظاهر لينا بشكل جديد
علشان كده الكل سمعلو

وبدا يتلكم في الأحكام
و أصبح يفتي حلال وحرام

عمل نفسو من العلما
فضلل ناس كتير جهلا

و الصورة من تاني اسودت
أتريها صورة غدارة

يا خسارة يا ناس يا خسارة
الصورة طلعت مكارة