..................
(بيرم المصرى)
...............
الشاعر رضا ابو شنب
(بيرم المصرى)
قصيدتي الجديدة
(الحزمة)
ابويا جمعنا قدامه
وجاب الحزمة كالعاد
وقال في الوحدة قوتنا
وعود واحد ملوش عازة
ومهما الدنيا ودتنا
هنحضن بعض بزيادة
وترجع تاني لمتنا
وتجمعنا كما العادة
واي شيطان دخل بيتنا
هنضرب خده ببيادة
ويفضل تحت جزمتنا
ويشرب قهوته السادة
وقوتنا هناكله من غيطنا
وتيجي البركة متعادة
دي مصر بتحمي امتنا
ونطلع منها بشهادة
و هي الروح وعزوتنا
بتدي وهي محتاجه
في وقت الشدة بتغيتنا
و هي الام و الدادة
ومهما يضيع في صحبتنا
بتفضل مصر ولادة
وتفضل فينا وحدتنا
كنيسة في قلب سجادة
صليب يحضن في عمتنا
وعمة بتحضن السادة
ومين هيحب فرقتنا
اكيد بيحب في عيادة
ومهما نشوف في زنقتنا
في مصر نحس بسعادة
اموت وتعيش محبتنا
واطالب تاني باعادة
اموت وتعيش محبتنا
واطالب تاني باعادة
ابويا جمعنا قدامه
وجاب الحزمة كالعادة
ليست هناك تعليقات:
إرسال تعليق