.......................
د. محمد رزق
....................
لو نقابل ربنا حَ نقوله إيـــــــــــــــــــه ...؟!
***
من كلمات
د. محمد رزق عبد الحليم ( الطبيب الشاعر ).
***
لو نقابل ربنا حَ نقوله إيه ...؟!
والحبيب المصطفى يشفع في إيه ...؟!
في الشرور اللى ف قلوبنا ..؟
واللا تفريطنا ف واجبنا ..؟
والطريق سِــبناه وسابنا
والشيطان توِّهنا فيه ...!
لو نقابل ربنا حَ نقوله إيـــــــــــــــــــه ...؟!
***
ياحبيبي يامحمد ياإمام المرسلين
خـُد بإيدي يامحمد للعلا دنيا ودين
سكتك سكة سلامة
والبعاد عنك ندامة
واللقا يوم القيامة
كلنا فيه مذنبين
م الشرور اللى ف قلوبنا
لما فرَّطنا ف واجبنا
والطريق سِـــبناه وسابنا
والشيطان توِّهنا فيه ..
لو نقابل ربنا حَ نقوله إيـــــــــــــــــــه ...؟!
***
يابشر عودوا لِـشَـطِّ النور وتوبوا
كل واحد مِننا يلحق نصيبه
م الهداية والمحبة
وازرعوا في الأرض حبة
تفضلوا دايماً أحبة
كلنا نعمل واجبنا
للأمل نفتح قلوبنا
والطريق اللى يناسبنا
راح يهون لو نمشى فيه
يرضى عنا ربنا لما نلاقيـــــــــــــــــــــــــــــــــــــــــــــــــه
***
كل عام أنتم جميعاً بخير وصحة وسعادة ويمن وبركة بإذن الله ؛ *
ولكم تحيات
الطبيب الشاعر المصرى/ د. محمد رزق
ليست هناك تعليقات:
إرسال تعليق