..................
مجاهد عبدالهادي
.................
****( اخر النهار )
11/4/2022
مجاهد عبدالهادي
آخر النهار
جايلك وجسمي مليان بالتعب
مستني منك كلمه حلوه
زي ابتسامه تخف الألم
قالوا يابخت من زار وخفف
يعني ايه
يعني كلمه منك ترضيني
آخر النهار مش تمشي وتسيبني
وانا محتار
يابخت من زار وخفف
كنت فاكرك جاي تخفف جوايا الألم
وراجع صحيت جوايا المواجع
جوايا الألم
بعاتب نفسي ليه تجرحني
وتمشي بعد غيبه
هو انا مش انسان عايش وليا كيان
ومنين اجبلك قلب يحس بيا
دايما كاسر بخاطري
واقول معلش سماح
واكتم شكوتي في قلبي
واقول جبر الخواطر على الله
تحياتي بالورد لعيونك
ده انت كنت عندي اجمل لقاء
الله يسامحك
خليني اعيش الوهم
وانسى اني شفتك واللي شفته معاك
ماانا واخد على الأوهام
وطول عمري غريب بين الناس
صحيت جوايا الوجع وخلاص
يا بخت من زار وخفف
ودي كلمه وقالوها زمان
مقسومه وكانت من نصيبي
ليست هناك تعليقات:
إرسال تعليق