....................
ايمن عزالدين سكورى
...................
العمل الأدبى الذى ألقيته فى دار ( أرمنا ) النوبية بالإسكندرية بمناسبة تكريم أبطال حرب اكتوبر المجيدة •
••••••••••• ( الجندى المصرى ) •••••••••••
الجندى المصرى اشجع جندى
يوم العبور قبل التحدى
يايموت شهيد فداك يامصر
يايعود فى أيده درع النصر
الجندى المصرى اشجع جندى
~~~~~~~~~~~~~~~~~~~~
رفض يعيش بعار الهزيمة
وخطى بكل ثبات وعزيمة
وصاح وقال الله أكبر
بيها فجر وبيها دمر
حصون حصينة وهو معدى
الجندى المصرى اشجع جندى
~~~~~~~~~~~~~~~~~~~~~
لما اتماسك وخد قراره
أذهل العالم بانتصاره
وهو صايم عدى الضفة
راح وحطم أسطورة زايفة
كان ماليها غرور وتعدى
الجندى المصرى اشجع جندى
~~~~~~~~~~~~~~~~~~~~~
الجندى المصرى حر جاسور
كتب النصر فى يوم العبور
بدمه على جبين الوطن
وكانت روحه أرخص تمن
يقدمها لكرامة بلدى
الجندى المصرى اشجع جندى
~~~~~~~~~~~~~~~~~~~~~
الأديب الشاعر
ايمن عزالدين سكورى
الإسكندرية
ليست هناك تعليقات:
إرسال تعليق