..............
احمد عبد الحكم
.................
دم الشهيد شعر احمد عبد الحكم
دم الشهيد يملا الكفن
راح البطل دفع التمن
ساب الحياة للجنة حن
كان ماسك سلاحه حامى الوطن
وغيره نام فى حضن أهله ركن
نام يا بطل لسه الكفاح
واحنا بنوعد دمك يا بطل ما راح
مصر أرض الهرم والوادى
افديها بدمى والتمن اولادى
على أرض مصر التاريخ يا سينا
لو كلاب العدا تنسى احنا ما نسينا
والله ليرجع بالفدا ماضينا
يا أمى عمر البكا ماكان توبك
احنا بدأنا الكفاح لسه يا دوبك
أنا عمرى ما خفت دا خوفى على خوفك
لو كان قضاى يا أمى فى الجنة هاشوفك
لسه برضه حزينة يا أمى
رضاك عنى يا أمى أغلى من دمى
هضحى بنفسى زى أبويا وأخويا وقبلهم عمى
هتشوفى نعشى خديه بحضنك بعدها سمى
قولى لولدى ابوك عمره ما أتردد
بينام سلاحه فى حضنه زى ما اتعود
لو مات شهيد عمره يتجدد
فى جنة الخلد وربك للعباد أجود
شعر احمد عبد الحكم
ليست هناك تعليقات:
إرسال تعليق