................
العابد عبد الرحيم
............
/ دق يا مهراز دق
------------------------- ( زجل)
( الجزء الثاني من يا عربي بعد الغزو)
دق يا المهراز....دق
دق......دقني....دقة
دقني الف مرة دق
دق اطحني كامون
دقني شم ااالريحة
دق على باب قلبي
انقول لك اشكون.!
درني كحل انحكل العيون
انكحل لعيون اااااالساهرة
انكحل به عيون الدراوش
دقني دقة السردين ثااني
دقني دق دقني......دقة الدٌوم
ديرني احصيرة تحت الاقدام
دقني دقني دقة الثوم
اه منك يا ريحة خانزة.!
انا العربي......انا العربي المهموم
عندك حق راسخ انا عبد مملوك
*غير أمر.! أنا و الفانوس طايعين.!
اشويني في بغداد
اشويني في دمشق
اقهرني اقهير......القاهرة
ديرني عسكر نحمي لبلاد
اشويني كفتة في طرابلس مرتين
اشويني في مخيمااااات اللاجئين
*اشويني شوية لغدايد و اتلذذ بالبنة
*انا العربي الضايع انا العربي المهموم
اشويني فالاراضي كلها
اشويني..او رش الملحة
اه...... يا جراحي اليوم!
شويني شوية نصبح فحمة
ما دامت االشمس محجوبة
ما دامت لمنافذ أمحاصرة
اه يا ابواب.!
ما دام الظلام طامس الحال
ما دامت ذيك الكفة هابطة
ما دامت ذيك الكلمة ساقطة
ما دامت الاحكام جاهزة
ما دامت السجون فاتحة
ما دامت الرصاصة واجدة
ما دامت العمامة شانقني
دقني الموت....ينهي القوة
دقني الموت ينهى الخوف
دق دقني في ظلام الليل
دقني ملي ايشهدوا الزور
دقني ملي اتسلبت الحقوق
واش راحت القدس راحت؟
وارجع غزو غزة غزوااااات.!
*ملي انحنيو اليدين بلا حنة نحكيو.!
دقني فالجزائر
كرسي عسكر
ملي انزغرتو بلا عروس
تحت الضغط بالفرحة
دق ياالمهراز دقني دقة
دقني دقة لبنان كافية
*ملي انديرو الراس على الراس
*ملي نبكيو بكاء نحكيوه لاطفالنا
ملي انبحثو على حقيقة الطيف
ملي يبقى لخريف ديما خريف
تتخلط الفصول اشتا و اصيف
* نبكيوا بكاء فيه نخوة الرجولة
* نبكيو بكاء العربي بالألم والامل
العابد عبد الرحيم:10/10/2018
ملهمتي الفقيه بن صالح..
ليست هناك تعليقات:
إرسال تعليق