..................
نذير دهان
....................
دبحوا جوادي يا ولادي صرت بلا جواد
وانا يللي بجود ومن يومي ع الجودمعتاد
بلف بهالكون
وبدوور ع المساكين
ابييض عيشتن ولو أنصبغوا أيامي سواد
بكل ديره أطوف
وأقضي حاجة الملهوف
واللي محتاج بعيونو
أبصر وأشوف
كان عندي عز صرفتو
ع اللي الظروف
قسيت عليه ووقفتلو دوم بالمرصاد
ياما أيام طعميتن
وما عندي أكل
يبكوا أولادي من جوعن والله موسهل
ومرتي تقللي يازلمه
هدي على مهل
اقللا بزرع ويوم ربي بجني الحصاد
بوصي بعدي ياولادي تابعوا المشوار
اللي مشيتو
وابنوا لهديك الدار
ديار العز بجهودكم
رح تبقى عمار
بكره رح اموت
وبجنان الرب ع ميعاد
شوفوا الظلام حكامنا سلبوا الشعوب
واحدهم يروح صبحيه يرجع بالغروب
تعبان شقيان وامرانا
المن غير قلوب
ياكلوا تعبو واشرفهم
لسيادو قواد
بأيدو السوط عم يضرب لاجواب لاسؤال
غلا رغيفنا ت يسرق ويجمع مال
الاسعار نار وحالنا
صارابشع حال
يللا نغني ياجماعه
ودق ياعواد
موال
ليلي ياعيني ياعيني غمض عينيك
وقص لسانك ولا تسأل ليش صرنا هيك
لو بدك تسلم افهمني
بلا أبكي عليك
لف الموضوع وقول سيدي... اسيادنا اجواد
شعر؛ نذير دهان
ليست هناك تعليقات:
إرسال تعليق