..................
وحيد محروس خليل
...................
يابشر
يابشر عيب إختشوا
ووحدوا الفتاح
جاوبوني من فضلكم
الغلط بقا ليه مباح
والكدب إللي ف دمكم
خلا الدنيا سداح مداح
بندافع عن إللي بيغلط
وعن إللي قيمنا إستباح
شايفين الباطل بعنينا
وإزاي إنتشر ولاح
والظلم لو ينتصر
بنقيم له الأفراح
بكفاية مهانة يابشر
وحي على الفلاح
$$$$$$$$$$
ليه بنشجع الرذيلة
ونقول رقي وحرية
والعري بقا بلوة تقيلة
وعايزين نطبق المثلية
ونسينا قيمنا الجميلة
وماتت الروابط الأسرية
بعد ما كنا أهل وعيلة
رفعنا شعار الأنانية
دا إسلامنا تعاليمة فريدة
كرمنا ياناس بالآدمية
ولجل حياتنا تبقى سعيدة
لازم يصحى ضمير البشرية
ولو سكة الحق بعيدة
فا لباطل سكته أزلية
$$$$$$$$$$
يابشر
بقلمي الشاعر/ وحيد محروس خليل
ليست هناك تعليقات:
إرسال تعليق