......................
وحيد محروس خليل
..................
(( طول عمري ))
طول عمري بشوفك
يا أبويا كبير
رمز حي للشهامة
وروح بتنبض بالضمير
%%%%%%%%%%
كنت بشوفك
حاجة حلوة
وسند بيحسسني بأمان
وكلامك ليا
زي غنوة
بترويني من عطش الزمان
%%%%%%%%%%%%
كنت بشوفك
شيء جميل
دايماً بيرسم طريقي
وحبك ليا كان دليل
وكأنك صاحبي أو صديقي
%%%%%%%%%%%%
كنت بشوفك
مثال حي
للعطف يابا والحنان
ولا كان في الدنيا
زييي زي
يمكن أكتر بكتير كمان
%%%%%%%%%%
كنت منك يابا بتعلم
الأدب والذوق والأصول
ولما أسمعك وأنت بتتكلم
بحس إن عمري معاك بيطول
%%%%%%%%%%%%%
ولما مت وسبتني يابا
معدش شيء أبكي عليه
عايش وسط ناس ديابة
مسكين ووحيد وهعمل إيه
%%%%%%%%%%%%
دلوقتي بمثل إني بشوفك
وبحس إني بلمس كفوفك
ولاعمري نسيت يوم معروفك
لولاك ما كنت بقيت إنسان
%%%%%%%%%%%%
سكنك في الفردوس الأعلى
ومكانك في قلبي أعلى وأعلى
وكل ما تيجي سيرتك يابا
ذكرك بالخير على كل لسان
%%%%%%%%%%%%
طول عمري
بقلمي الشاعر/ وحيد محروس خليل
ليست هناك تعليقات:
إرسال تعليق