..............
صلاح شعبان الفيداوى
..............
==== سامحيني يا أمي =====
أنا ياأمي معلشى
أودي منك لفين وشى
سامحينى ياما أنا غلطان
أناعليكى ياما قسيت
وكنت ف دنيا توهانى
رجعتلك أنا ياما
رجعتلك هنا تانى
خدينى ف حضنك زى زمان
سامحينى ياما أنا غلطان
الرحمة يارب من عندك
سامحنى ياربي أنا عبدك
يارب التوبة والغفران
حملتينى وشلتينى
وفرحت بيه ياما كتير
وياما كان خوفك عليا كبير
وأنا عيان وأنا بردان
سامحينى ياما أنا غلطان
أوفي حقك مش هقدر
ولو شلتك علي كتافي
ولفيت بيكي كل الكون
برضه ليكي مش كافي
سامحيني ياما أنا غلطان
مش كلمة بس وبقولها
برك دا طاعه وهعملها
وان كان مني في يوم تقصير
سامحينى ياما أنا انسان
سامحينى ياما انا غلطان
بقلمى
صلاح شعبان الفيداوى
القاهرة
١١/٢/٢٠٢٢
ليست هناك تعليقات:
إرسال تعليق