..................
/احمد الجوهري عواد الجوهري
..........................
مصحف اخويا المجند
للشاعر /احمد الجوهري عواد الجوهري
مصر
مقطع(1)
أنا شفت مصحف منور
بدم أخويا المُجند
أنا لما شفته افتكرت
عصر الخلافة الممجد
مصحف زمان كان منور
بدم ذي النورين
دمه اللي كان فيه بداية
لفتنة قامت زمان
ودم أخويا المجند
يروي مجد البلاد
دم المدينة ما جف
ودم سينا حلف
ما يجف ولا يتسنى
ما يجف إلا بعد
ما كل شيء يتعرف
مقطع (2)
ودم أخويا المجند
نزل ساعة الفطار
وكان أخويا المجند
واقف يحمى الديار
في الحر طول النهار
ماسك مصحف فأيد
والثانية فيها السلاح
لأنه كان كل عام
يختم القرآن
دايمًا طوال رمضان
مقطع (3)
واقف يحمى بلاده
زى الأسد في عرينه
واقف يحلم بيوم
ينول فيه الشهادة
ويرضى ربه وأهله
يشفع لهم أجمعين
لو كانوا من الصابرين
وزيه في الجيش كتير
مقطع (4)
ودم أخويا المجند
على مصحفه لسه باقي
مهما تمر السنين
يروى أرض الحنين
أرض سينا الحبيبة
وأرض وادي النيل
مقطع (5)
أصل التاريخ لسه حابب
يعيد كمان مرة
أمجاد مصر العظيمة
على أرضها الطيبة
مقطع (6)
مصحف زمان كان دليل
ما يقطعوش الشك
ومصحف أخويا المجند
لدوقتي أكبر دليل
على ناس دماغها حجر
ناس من عماها يا صاحبي
عاوزة تحارب القدر
قدر البلاد في التقدم
والتنمية والرخاء
ليست هناك تعليقات:
إرسال تعليق