.............
محمد يونس
..............
ذكريات
ذكريات لا عمرى انساها
ولا هى تتنسى
انا حبيت
وهو عمرة ما قسى
ياترى يازمانى..هسمع واشوف
حبيبى تانى
لعل وعسى
ذكريات
قوليلى انت فين
وفين اراضيكى
وانا اجيلك
واملا با الحب
كاسك وفناجيلك
وامسح دموعك
واقيد قناديلك
واقدم فروض
الولاء والطاعة
وارضيكى
واصالح بيكى الزمن
يا اجمل ايام العمر
دة انا لا عمرى انسى
ايامك ولا ماضيكى
ذكريات
حاولت العمر اداريها
وفاض الكيل منى
وانا بداديها
وزاد شوقى ولهيبى
وجروحى
ما قدرت اداويها
ذكريات
قلوب وعاشقة
سهام حب فى القلب
راشقة
زى موجة عاملة هوجة
على شط
الفاتنات
يارب نهتدى منين نبتدى
ونقول ونحكى على
جميلة الجميلات
ذكريات
حكولى عنها
قبل ما تشوفها عيونى
شوفتها عشقتها
حروف اسمها
شعاع من نور
القمر فى فلك جمالها
بيلف ويدور
ولا بسمتها ويا ضحكتها
والله تقول عليها
بنت من بنات الحور
ذكريات
تحبوا احكى عن
حاجة عنة
حبيبى الجميل الله علية
وعلى سنة
جانى فى منامى وكانة
بدر وغارت النجوم
من خفة دمة
رمى شباكة عليا
شوفوا مكرة وفنة
حيرنى سهرنى
اروح فين
ياناس منة
ذكريات
كلامة دلع
سكوتة وجع
الله على جمالة
ونظرة عيونة ياجدع
ولا رقتة فى مناهدتة
اية ياترى اخر
طريقة وسكتة
يا عينى عليا
من غيرتة وشكة فيا
ياة...ياة...ياة
على دموع العيون
اللى غرقت
مناديلى ومخدتة
ذكريات
وحسدونا
واستكتروها عليا
وضاعت من اديا
وراحت لغيرى
ودة كان نصيبها وبختها
وقدرى ومصيرى
ذكريات
وعزمونى وحزمونى
وعزبونى
زى طير جريح
مكسور الجناح بيرفرف
حرموة من نسمة هواة
اللى كانت
حوالية بتهفهف
والكل فرحان وانا الزعلان
وغريمى هناك قاعد
بيرقص ويسقف
ذكريات
اعذرونى اوعوا تلمونى
وتزعلونى
صدقونى
دة حبيب قلبى
من وانا فى اللفة
كان نفسى اكون انا
اللى قاعد جنبها
فى الزفة
وغرقت منى قواربى
وضاعت من ايدى الدفة
ذكريات
هو دة اللى حصل
ومن غير لية
حبيبى
لو كان الدمع يجيبة
كنت ابكى العمر علية
بقلمى
محمد يونس
ليست هناك تعليقات:
إرسال تعليق