..................
اشرف الشناوى
.................
البرامون
المنصوره
.....................
......اوعى تهرب.......
اوعى قلبك ينكسر
م الحزن والا
ياما غنا للفرح
ايام وصلا
ضحكتك صدقنى
اجمل الف مره
اوعى تنسى الحلم
لو عاوز تعيش
خلى جرحك
جوا منك ماتطاطيش
الامل لو ضاع
حياتك ماتساويش
هد سور السجن
لو طال السما
مهما كان السجن
بيهده الغنا
واوعى جرحك
يقسمك وقت البنا
او يرمى روحك
برا منك فى الخلا
فاوعى قلبك ينكسر
لو عاش سنه
عدى مهما الموج على
مهما كان الريح شديد
عدى واوعى الجرح ياخدك
جوا جرح يكون جديد
بكره يطلع صبح شايل
الف حلم فى كل ايد
وابتسم لما الوجع
يعلا حبه او يزيد
واوعى قلبك ينكسر
مهما جرحك كان غويط
الامانى تعدى بيها
حتى لو حزنك محيط
اوعى تهرب م الحياه
او تسيب جرحك
يسافر بيك وراه
قوم وعافر بكره يوم
لازم تطير
بكره تضحك
تلقى حلمك
جوا منك
مهما كان الليل كبير
اوعى قلبك ينكسر
فتموت فقير
او تفرط فى الامانى
حتى لو مش
فى حصير. ...........
اشرف الشناوى
شاعر عاميه
البرامون
المنصوره
ليست هناك تعليقات:
إرسال تعليق