..................
وحيد محروس خليل
.................
دمعة سالت
دمعة سالت
وضحكة ماتت
حتى القلوب جوانا
.......................إتغيرت
وعشرة هانت
وكأنها ما كانت
حتى أحلامنا
من بين إيدينا
.................... إتبعترت
وإتكسر جوانا
...................كل شيء
والفرح غاب
وكأنه سراب
ومعدش لينا
غير الأحزان
.................. صديق
عايشين بنحلم ببكرة
................يمكن تهون
لكن أحزانا
عايشة جوانا
حتى الألم طارح
..............فوق الجفون
الشعر شاب
والضهر إتحنى
............... ولايوم شكى
والقلب داب
حيرة وعذاب
ومن كتر القسوة خلاص
................. آن وبكى
أيامنا بقت كلها
.............. زيي بعضها
وآدي الخلايق
من الغلب عايشة
.............. بتندب حظها
معدش في ضمير
ولا حب مابين
................... الناس
والظلم بقى كتير
وعايش الفقير
................... منداس
دمعة سالت
بقلمي
الشاعر/ وحيد محروس خليل
ليست هناك تعليقات:
إرسال تعليق