..................
9/12/2019
.............
الفيسبوك
للبلياتشو !؟
الفيس بوك ناس مجانين
واحدة تغيب عن عمري سنين
ترجع تاني تقول لي حنين
تسأل روحت لفين يا حزين
حتماً كُنت ساعتها سجين !!!
قاعد اعد أيام وشهور
زي النحلة بلف و ادور
لازم ح لدغ طول ما انا فيا
لسه شعور
واحد عايش ويا ولادهُ
نايم ناسي الست مراتهُ
واقف واخد صف و دور
حاضن لسه الأخ موبيلهُ
خلف منهُ كروت فودافون
باقة و باقة
صبحوا اتنين
ألف قناع للتنين
مليون رنه ويا قتيل
والكل بيلعن موبينيل.............(-1-)
الفيس بوك بره الدنيا
جامع والله إنس و جان
لامم كل أصيل و جبان
ميت مليون ألف جعان
إللي شايف نفسه أديب
واللي لابس ماسك الديب
واللي عامل نفسه طبيب
كله عايش ب الأكاذيب !!
الفيس بوك
جوه الدنيا
أيوه يا فيفي
أيوه يا سونيا
سحره غريب
مرة تلاقي عدوك فيه
فجأة تقابل حُبك بيه
بس خسارة ديما ريب
ديما خوف من الآلاعيب ..........(- 2 )
الفيس بوك ناس مهابيل
هو طابور. حتما تصحى
تصير دبور. لازم تلبس
الطرطور. لما البنت
تقول بنجور
لازم تبقى جدع وجسور
وأنت اساساً بغل وطور!!!
هي كمان حبة بولتيكا
حبة اونطة مع مزيكا
أحمر بودرة وصوت مبحوح
و وقت الجد سب و ردح
و يلا يا ويكا قبل ما تيجي
الست ماريكا وتخليك تحفة
و انتيكا !!!
الفيس بوك عالم رابع
كله مواجع عمره ما يعرف
كلمة راجع
بعد ده كله مين الغول
الفيسبوك و لا الواد
إبن أخت بدور. فكر ملخبط
لازم كوديا وزار وبخور ........ .....(-3)
شعر
عامي
للبلياتشو
9/12/2019
القاهرة.. مصر
ليست هناك تعليقات:
إرسال تعليق