...........
ياسر مهدي عمرو
...........
مصريه
شلبية بربطك للطارحه
وبخيرك وبحبك طارحه
لو هبعد عنك مش رايحه
طول عمرك ايامي الجايه
محلاكي يا زهرة منديه
محلاكي يا نجمه معديه
محلاكي يا مصر العربيه
وولادك بالصحه قويه
ياصبيه واسمك شلبيه
مغرمبك وعواطفي شجيه
محلاها الاكله بطعميه
والفرح يدوم يملى عنيه
يا سنابل قمح من الغالي
محلاه الخير لما ندالي
والقطن الابيض موالي
والزرع المليان حنيه
انا عاشق ليكي ولترابك
وبنادي في ظلك احبابك
وبعاتب بالحب اعتابك
يابلدنا يا معنى المثاليه
اه منك وجمال ف عيونك
اه منك ودا مين حيخونك
دا العاشق بيموت من دونك
يا بلدنا باسمك معنيه
مصريه بنيلها ورموشها
والسحر جمالها وجيوشها
لو خانها غرورها بيحوشها
وبيدفع م الدم الديه
ياسر مهدي عمرو
ليست هناك تعليقات:
إرسال تعليق