ديوان أكاليل الإلكتروني لسفراء القلم

بقلم

الجوهري عبدالله

************

رمضان كريم

التلت..للمغفره
والتلتىن..رحمات..
وعتق من النار
شهر الهدى والنور
صيام..قيام..قرأن
بركة وخير رمضان

هلت ليالى الحب
الغايبه من زمان
قادت شموع القلب
مع هلال رمضان
وصفيت الدنيا
وانشالله..تروق التانيه
يوم لقا الرحمن
كشف الحساب يجمع
والشفيع..يشفع
الف صلا وسلام
على رسول الله
انزل عليه القرأن
للعالمين..سلام
بركة وخير رمضان

ياابن ادم..ياطيب
ياللى زعلك قريب
لو كنت مخاصم..اصفح
ولين فى الكلام
لو كنت مجروح..اسمح
للجرح بللتئام
وثق بعدل ربك
وافتح للحب قلبك
واستطعم الايمان
بركة وخير رمضان

وفى التلت الاخير
وقت السحر فى صلاه
العبد رافع يداه
فى ذله ومناجاه
بين ايادى الله
كريم بين العباد
بعزة جلال الله
مهما تكون الذنوب
ربك..رب قلوب
ياقاصد الرحمن
ربك كريم..وغفور
اللى يقصده..مجبور
بركة وخير..رمضان

جوهريات