ديوان أكاليل الإلكتروني لسفراء القلم

بقلم

حسن محمد علي
************

#قربت_أتحرم
الجزء الأول
.......
قربت م الموت أنا
عدت من عمري
اللي مكتوبلي أعيشه سنه
دي حقيقه
أنا مش قاصد نكد أو عكننه
.....
بتقولولي كل سنه وانت طيب
طيب علي أيه
علي اني بقيت م الموت قريب
سنه عدت دي مش حاجه تفرح
دي حاجه تشيب
.....
#قربت_أتحرم
من اني اشوفكم وتشوفوني
أكلمكم وتكلموني
أطمن عليكم
وعليكم تطمنوني
قربت م الموت
ياتري هتفتكروني
ولا في وسط زحمه الحياه
هتنسوني
يمكن أنا دمي تقيل النهارده
أعزروني
وياريت تصدقوني
بجد هتوحشوني
.....
#قربت_أتحرم
من كلامكم الجميل
من ابداعاتكم
من فرحتي لوقت طويل
بإعجابكم بأعمالي وتعليقاتكم
من سهري طول الليل
من شوقي وحنيني لرؤيتكم
.....
#قربت_أتحرم
من نور الشمس
وحلاوه النهار
من ضي القمر
وسحر الليل والأفكار
من لعب الكوره
والمقالب والهزار
.....
#قربت_أتحرم
من اني أقولك بحبك
من حلاوه عمري وأنا جنبك
من خفه دمك
وأنا بضفرلك شعرك
من روعه القميص الموف
علي جسمك
من عشقي ل جانا الهوي
علي رقصك
.....
#قربت_أتحرم
منكم
كلكم علي بعضكم
ياللي بحبكم
...
هتوحشوني
بالخير افتكروني
أنا مش زعلان من حد ومسامح
وان كان فيه ناس زعلانين مني
ياريت تسامحوني
.....
كل سنه وانتم طيبين
وأنتم جوا قلبي عايشين
وأنتم في نن عيني ساكنين
كل سنه واحنا كلنا
من بعض قريبين
......
#قربت_أتحرم