ديوان أكاليل الإلكتروني لسفراء القلم

بقلم
الشاعر وليد فتحي
*************

صباح الخير
ياحلم مقاسه مجاش علي قدي
يادمعه مكانها يوماتي علي خدي
ياألف خساره ع اللي انا كنت
كنت سندها وكانت سندي .
صباح الخير
علي القلب اللي مقدرشي
يرجع بكلمة معلشي
كان اعميَ وفتح في الاخر
مش ذي زمان مبيشوفشي 
 صباح الخير
علي الاخلاص في حب زمان
علي التفكير وع السرحان
علي نعمه محسش بيها قلبي
بيقولو اسمها النسيان .
صباح الخير
علي الكدبه في ضحكتها
علي الألعيب في رقتها
علي الحُب اللي اصبح امسا
علي كل كانا واخواتها .
صباح الخير
علي السم اللي انا شربته
لأخر نقطه خلصته
حقيقه وجاتني متأخر
بس المهم اني عرفته
صباح الخير
 علي العشق وعلي العِشره
علي شموعي اللي كات عَشره
ورجعنا ياقلبي كالعاده
ولا ب مكسب ولا ب نصره .
صباح الخير
علي اخر صباح ليا
واخر دمعه في عنيا
ومن بكره هقول اشعار
تصحي اللي انقتل فيا .
صباح الخير 🌹