..................
عماااد الأبنودي
30 . 5 . 2022
.................
$ حق الاختيار $
بقلم / عماااد الأبنودي
.............................
خليك شديد زي الجبل
ماتهزوش أبداً رياح
و تحمل القلب فوق طاقته
سيب قلبك يرتاح
ماتكتفهوش بالهموم
و تخنقه كل يوم
بكرا السنين تعدي
و تداوي فيك الجراح
مفيش مرتجع للي راحوا
طبيعي مكانهم بيكون فاضي
و ياريت العمر كانله إعادة
يرجع تاني كمان بالماضي
حتي الأحزان ......
تروح كماااااان .....
و تسير الأمور كلها عادي
و تخبي دموعك جوا منك
وراء ساتر غامض م الأسرار
تعزف لحن شجن قاسي
نازف سيل من المرار
و تلف دوامة فيها وحدك
ملكش حق الأختيار
گأنك شخص فيها مجرد
داخل دايرة م التكرار
و يادوب نايبك جواها محدد
بمسلسل حلقاته انكسار
ساند روحك اد ماتقدر
و عافر بقوة مع الأيام
بلاش لحظة نفسك تهبط
و تستسلم لحالة الإنهزام
بقلم
عماااد الأبنودي
30 . 5 . 2022
ليست هناك تعليقات:
إرسال تعليق