.............
قصيدة : قلوب الصبايا . .1/ 2/ 2019
بقلم الشاعر : حسن حلمى
............
دقة قلوب الصبايا
بالغزل قالت
يسلملى نور الجميل
لما يزور بيتنا
ويخطى يوم الجميل
بقدومه عتبتنا
تنظر عينينا عينه
بالشوق بنتكلم
تلمس ايدينا ايده
حنيه نتعلم
لما يميل الجميل
يهمسلى بالكلمه
يدق قلبى قوام
لعيونه ويسلم
يحضن عينيه بهواه
وبعطره يسقينى
فوق الخدود الحنان
بشفايفه يروينى
تطرح ورود الخدود
من نوره يحينى
حد يقوله ياناس ده
حبيبى نور عينى
يا حلو ارمى الشبك
بالضلع خبينى
اوعاك فى يوم يا جميل
من نومى تصحينى
خلينى احضن عينيك
وبنورها تحينى
بقلم الشاعر : حسن حلمى
ليست هناك تعليقات:
إرسال تعليق