ديوان أكاليل الإلكتروني لسفراء القلم

...........

نجيب البزال

............

مخنوقة حنايا النفس
بقلم نجيب البزال

مخنوقة حنايا النفس
وقلبي مقسوم لنصين
نص بوطني واهلي وناسي
ونص بينزف عالميلين

يا غربة قلبك شو قاسي
دوبتي فيي احساسي
توبك منو على قياسي
لا بجمال ولا بتلوين

حتى اللقمة صارت مُرا
ما فيها طعمة بالمرا
بتنزل عا أحشائي جمرا
وما حدا بقول صحتين

الناس ملهية بأتعابا
ما بتشوف حدا من صحابا
مشغولي ب بيتا وكتابا
ما حدا بيطرق ع بابا
محرومة من اغلى احبابا
بتشوفهن مرة بالسنتين