ديوان أكاليل الإلكتروني لسفراء القلم

..........

الإثنين الحزين
من ديوان / سنين المخاض
للشاعر / مصطفى فريد

...........

خدت ابنى ورحت اصلى
فجر الاتنين الحزين
والإمام لساه بيدعى
واحنا بنردد آمييييين
ألا واسمع ابنى جنبى
يقولى يابا الشيخ ياسين
إغتالوه بصاروخ أميركي
والصلاه فوق الجبين
اندهشت وقولت مين
رد قال السفاحين
جزارين الأنبيا المرسلين
رحت ناطق بالشهادة
وقلت هما الخسرانيين
هما فاكرين القضية
تنتهى باحمد ياسين
وإلا برموز المقاومة
فى رام الله أو جنين
القضية فى كلمتين
هى طرد الإحتلال
والحياة مابينا تمشى
بالمودة والحلال
والحقوق الغايبه ترجع
مهما فاتت من سنين
يسألوا كرومر وهتلر
وإلا شرشل أو جرونتر
يسألوا حتى استالين
الاحتلال إللى فى زمانهم
دام لإمتى ودام لمين