ديوان أكاليل الإلكتروني لسفراء القلم

...........

كلمات الشاعر سيد كامل

..........

الله يسامحك يادنيا
يامفراقة الأحباب 
خليتي الزمان يادنيا
بقي يسقيني العذأب
لارضية تفرحيني
ويوماتي بتجرحيني
وكمان بتبعيديني
عن الاهل والأحباب
الله يسامحك يادنيا
راحت ايام زمان
بعدو الاحباب يادنيا
والأهل والخلان
حتة الصحاب يادنيا
نسيونا هما كمان
الله يسامحك يادنيا
سبتيني عايش وحيد
تاه الطريق يادنيا
وبقيت انسان غريب
مش شايف غير سراب
بعدو عني الأحباب
مش لاقي منك يادنيا
غير اسي وفراق وعذاب
الله يسامحك يادنيا
اية تاني عايزة اية
ده عمري راح يادنيا
وقلبي جرحتي
شوفت العذاب منك
ولا اشتكيت منك
خلاص كفاية يادنيا
مش عايز حاجة منك
الله يسامحك يادنيا