ديوان أكاليل الإلكتروني لسفراء القلم

…………..

بقلم .. صبري رسلان

……….

دا حلمنا
.............................
وهنبني تاني في حلمنا
وأكون معاك ..
ومهما حاولوا يفرقوا
هسمع نداك ..
وده مين ده يقدر يبعده
نجمي في سماك ..
ضيه مليك حب وحنان
أيدي في أيديك إحساس ملاك
وأموت وأنا في حضنك أمان
همشي على جمر القسى
وأفرش غرام صبح ومسا
وأعزف في شوق ما يتنسى
لحن لهواك ..
روحي بتسأل عن اللي غاب
ليه سدوا قلبه بألف باب
ده في كل يوم يبعت عتاب
فاكر نسيته لما غاب
بعدك مرار عندي وعذاب
والقلب دمعه ونهر ساب
برسم في ضحكه لون عينيك
وإزاي هضمك لما أجيك
قلبي بيشكي لكل دار
وبيحكي جنه ملوها نار
ليه غيروا دقه بقرار
ولا يعرفوش جوانا صار
دم بيجري بروح وصال
لا كان بأيدنا ولا أختيار
بكره هنحصد في اللي كان
مدفي حالنا له زمان
جوانا همس وليل حنان
داسوا على نبضه كمان
هدوا في بشاير حلم مين
وغيروا حتى الآنين ..
عاوزينا نرسم ضحك خوف
غش وخدع للفرح شوف
ده الحب إحساس مش حروف
ولا كان في يوم بسمه وشوش
هعيش على أمل إني أشوف
روحنا سوا أمان لخوف ...