..........
توفيق بومدين
..........
رضات الوالدين
توحشت لميمة
يا الميمة كبرتي و كابرتي
ما نقدر نكبر عليك
شحال تعبتي و شقيتي
واخا كبرات الدنيا علينا و عليك
كونتي وباقا وسادة لينا
حتى حد ما يقدر يتخلى عليك
نعاسنا ما كان يدينا
غير بنصايحك و أحاجيك
واخا كبرنا وتزوجنا
بعادنا ما يقدر ينسيك
بتربيتك شبعنا و تعلمنا
رضاي الله يخليك
فراق بانا خلانا فغبينة
يدينا مشبكة في يديك
واخا الزمان ضحك علينا
والا عليك
النظرة فيك حنينة
ربي يطول عمرك و يشافيك
فضلك كبير علينا
نبوس يديك و رجليك
ربي يخليك يا الميمة
زينة و زينك راه مواتيك
يا ربي تطول عمرها
آميييييييييييييين يا ربي آمييييييييييييين
ليست هناك تعليقات:
إرسال تعليق