ديوان أكاليل الإلكتروني لسفراء القلم

...........

مكتوب
من ديوان/ على الربابة
للشاعر /مصطفى فريد

..............

قدر ياعين مكتوب أسهر أنا ابكيه
وابات وقلبى عليل فى الليل يفكر فيه
حيران مابين. عندى ومحبته عندى
وأنا إللى كان. ودى القلب يفرح بيه
لكن مادام مكتوب فراقنا راح تشوفيه

مكتوب عليكى ياعين ماتشوفى بعده نوم
فاتك فى حيره مافيش غير السهر واللوم
سهرانه تبكى عليه وهو. شبعان. نوم
إنسى السهر يا عين. وارضى بالمقسوم
قدر. ودا المكتوب. لابد يوم تشوفيه

الهجر ليله طويل على قلب بات مجروح
سهران يناجى الليل بين النجوم موهوم
والجرح ما يحسوش إلاّ إللى بات مظلوم
حرام عليكى يا عين نفسى أشوف النوم
قدر. ودا المكتوب. لابد. يوم تشوفيه