ديوان أكاليل الإلكتروني لسفراء القلم

...........

بقلم .. صبري رسلان

............

أصعب وجع
...............
أصعب وجع
أصعب ألم ..
لما اللسان يعجز يقول
إحساس غريب لما تغيب
حروف مشاعرك عن القلوب
حزن وشحن دمع إندفن
جنه مكان صابها الخريف
غاب اللي كان جنبك زمان
قلبين في روح دول كان وكان
كان ضل شمس وأيد بأيد
وعشق دايب في الوريد
حلم إترسم بينا إتقسم
هدينا بيت عالرمله كان
راح الأمل إنه يعود
وإتغيرت حتى الوعود
سكوت ألم .. حيره ندم
خدعت نفسي بتاج ورود
لما إنكشف ضاع للأبد
وشطبت حبه من الوجود
هيجي فجر بتوب جديد
وضيه ينده من بعيد
هتصيب غرام فرح وأمان
هيلاقي فيك جواك مكان
هيحس بيك من غير كلام
راح الوجع .. تاه الألم
ورجع لي نبضي من جديد