ديوان أكاليل الإلكتروني لسفراء القلم

.......

أحمد طلبه

...................................

دا إحساسي
تملي تجيلي بمنامي
بتبقي لي أحلي منام

واشوفك أنت قدامي
حبيبي فارس الأحلام

عشقتك فوق ماتتصور
حقيقه وعمري ماانكرهاش
واقول لنفسي راح أصبر
ماانا واحده ماحبتهاش

وهعمل إيه في احساسي
وخايفه العمر يبقي بلاش
هشيلك برده علي راسي
ماهو اللي يحب مابيقساش

🔸🔸🔸🔸🔸🔸🔸🔸🔸🔸

بقرب ليك وانا عارفه
بنسا روحي وانا معاك
كأني بجد مش شايفه
وماشيه طريقي برده وراك

ومش قادره إن أتصور
بإن مشاعري تتغير
لأمتي بس راح أصبر
وعارفه ابقي ايه جواك

شايفني بإن انا اختك
وانا عن نفسي ماقبلهاش
وبحلم أبقي انا حبيبتك
بجد وانت ماتسبهاش

وهعمل إيه في احساسي
وخايفه العمر يبقي بلاش
هشيلك برده علي راسي
ماهو اللي يحب مابيقساش

🔸🔸🔸🔸🔸🔸🔸🔸🔸🔸
دا بيقولي اللي عرفوكي
رضاكي بس يتمنوه
وانا طبعاً أنا أخوكي
أظن أنتم كدا فهمتوه

كأني بجد انا في ورطه
وقلبي ياريت بقي تاخدوه
مشاعري زياده له فارطه
وقلبي روحي أه حبوه

بعيده عني أحلامي
حاجات تانيه مايعرفهاش
لا شايفه حقيقي قدامي
وعنه عمري مااستغناش

وهعمل إيه في احساسي
وخايفه العمر يبقي بلاش
هشيلك برده علي راسي
ماهو اللي يحب مابيقساش

🔸🔸🔸🔸🔸🔸🔸🔸🔸🔸

٢٠١٨/٧/٢٣