ديوان أكاليل الإلكتروني لسفراء القلم

..................

بقلم علاء عبده.

.....................................

نفسي تايهه و الغرابه بتعاتبني
ليه تلومني و تعاتبني
مش بايدي اني اتوه

و الحياة مني تاخدني
و عن حبايبي بتباعدني

مش بايدي اني ابعد او حتى اهرب
الظروف و اقفه ضدي و بتعاندني

نفسي اقرب نفسي ارجع مني ليا
نفسي ألقى نفسي فيا و تصاحبني

دي الحياة اكبر متاهه
توهنا فيها اغتربنا و افترقنا

الرجوع من غير ملامح
و الطريق ما لوش معالم

الصحاب اتفرقت و الوشوش اتغيرت
و كله عايش. ع المصالح
احنا فين من زمان و اللي كان
يوم ما كان الحب سايد
و في القلوب ساكن و عايش
و المودة و التراحم كنا اهل
و كنا اكتر م القرايب

حد يعرف الاجابه
و الاجابه في الحياة
دي الحياة اكبر متاهه.