♥♡♥فاق الوصف♥♡♥
قالوا أوصف حبيبك. أنا قلت فيه حيران
قالوا عجب م الحيره. قلت ما عرفته أنس ولا جان
قالوا علامه تبين قلت الجمال منه غيران
والورد شاف الخد. صبح عليل دبلان
والشمس من طلعته. بدرت شعاع ألوان
والقمر شاف وجنته. أكتمل معاه وبان
دفا الشتا يحل. لو كان بين الأحضان
والربيع نسايمه تحل. ويطرح زهور بألوان
والصيف معاه يتحب. ويحلي مع الخلان
العود منه طرح. والخد بالشامه يشد رجال
العيون مراية فرح. لكل حزين فرحان
والشعر جميل وطرح. على اكتافه كأنه شال
والكف حرير أتكسي. بالمسه تدوب دوبان
والشفايف بطعم العسل. من داقها عن زاده صام
جميل فى عز الصبا. من شافه لا ينساه
والخطوه منه عجب. زي وليد غزلان
والشعر فيه اتكتب. ما يوفى وصفه كمان
هاتوا معاكم حرس. يحمل الأوصاف
من نظره طحت أنا. وشلونى ع الأكتاف
أقول كفايه كده. ولا تلوموا يا ناس
فين العلامه منه. كان أنس ولا جان
وصف حبيبي يحير. ودليلى معاه أحتار
بقلمى
نور الحمصانى
ليست هناك تعليقات:
إرسال تعليق