ديوان أكاليل الإلكتروني لسفراء القلم

..........

ليالي أحمد الأسعد

............................

غــــــــــدار
ــــــــــــــــــــــــ

غدار وباع الوداد والأمل
وأحلام كتير حلمنا بيها
غدار وخاين للعهود والوعود
مبقاش عليها
جرح قلبى وكل ما فيا
وكسر قلبى وبكىّ عنيا
بكره أكيد راح يعرف قيمتى
بس دموعى إزاى هداريها
انا كل ذنبى إني أمّنتِ له
وإخلاصي كان بداية الإنكسار
خلى حياتى اتبدلت وبقت دمار
غدار غدار غدار
أوعاك تفكر إنى يوم هعرف ندم
إوعاك تقول اهو راح خلاص من غير ألم
لسه الحكايه هتبدى
وتدوق كاسات من غير عدد
تبقى مرار
غدار غدار غدار
غدار وباع وبدون سبب
لا لوم عليه ولا عتب
ما املكش غير أقول يارب
وحدك قوى وجبار
على اللى خان واللى ظلم
واللى كوانى بنار
غدار غدار غدار
ــــــــــــــــــــــــــــــــ