ديوان أكاليل الإلكتروني لسفراء القلم

.....محمود جنيدي....

كتبت هذه الكلمات بلسان الأنثى .!!.

فهل تكتب الأنثى بلسان الرجل .؟؟. 

أنتظر  من تكتب ..!!..

((**(( بحبك .. ومش ناكرة ))**))

****************************

  كلمات / محمود جنـــيدى

*********************

بحبك أنا جدا ومش ناكرة ..

ولو تسألنى من إمتى حاقول فاكرة ..

مانا مش ناسية إمتى حبيتك ..

عشان يومها سجدت لربنا شاكرة ..

ويومها كتبت اسمك على جبينى ..

وغيرت تاريخ ميلادى من يومها ..

حتى اسمى غيرته بقى " عاشقة " ..

قلبى بقى نبضه من نبضك ..

ولون خدودى باخده من وردك ..

وكحل عنية من سواد رمشك ..

وشعرى لما تطيره النسمة ..

ميرجعش الا اما ترجعه إنت ..

وباستناك ..

عشان تنور سكتى بضيك ..

ماهو مين فى الدنيا دى زيك ؟

بحبك ومش ناسية ولا ناكرة ..

وبقيت انت الفكر والفكرة ..

أنا دلوقتى عايشة بيك ..

عايشة فيك وعايشة ليك ..

وعايشة عشان أحبك بس ..

وباقولها بصوت عالى ..

واقولها بهمس ..

بحبك أيوة جدا ومش ناكرة ..

ومش ناسية إمتى حبيتك ..

سحبت الدم من شرايينى ..

وحطيت مكانه الحب ..

وعرفت ان أحلى مافى الحب ..

إنى بحبك ..

وإنك حبيبى ..

****************

2018/2/3