*** احمد طلبه ***
ليه تزعلي
ليه راضيه ليه تستسلمي
ليه لما حد بيجرحك
ساكته ولا تتكلمي
تتبسمي
ولا عشان بتفهمي
إنك قصادهم تبقي
قادره
وف روحك أنتي
بتألمي
أنتي أساساً مش كدا
أنتي بقلبك طيبه
والدمعه فيكي قريبه
ولا عمر كان العيب ماليكي
دي ناس كتير متعيبه
فاتكلمي
حقك أساساً تحلمي
وان كان حقيقي ماحد
فهمك
بمشاعرك أنتي بتفهمي
إنك ياغاليه ماتجرحيش
صابره كمان تتحملي
عارفك كمان ماتدمعيش
كتما الدموع
تتبسمي
كاتمه حقيقي بين
ضلوعك
ولا حد يستاهل دموعك
نفسك في حد يحس بيكي
شايفاه زي ما تحلمي
صابره حقيقي انتي ساكته
ولا مره واحده تتكلمي
أحمد طلبه
ليست هناك تعليقات:
إرسال تعليق