...............
عارف شلش
.................
(كلشي ميهزني)
تراسلني وبعد شتريد
من عندي
جربتك عرفت البيك غادرني
ولك تدري كلامك طلقه وبقلبي
واداوي بروحي ابعمدة قاتلني
واحس ابجرحي يشفه وانته التضحك
واحس ترتاح وجرحي يالمني
ولك اتركني احسن
ليش التكرر
وزدت طعنات بيه البيها تكرمني
ماجازاك غمق اجروحي تتوسع
وكل طلقه البقلبي
تدري توجعني
حسبالك لعب تلعب علئ الحبلين
وذاك انه اللعبه
اتملني وتالي تشمرني
ترميني ولامعروف بيك بكل كلام انقال
وحكيت اشكال عني
وانته تعرفني
مامحتاج لحد وانته تدري الزين
وذاك المال انه المطلوب لك وانته التحاسبني
ماانكر ولاانسئ الك معروف
الي سمعه وكل الناس
تفهمني اوتعرفني
بس اصبر علي وانه اعوض الصار
لان ايدي قصيره
اوضرفي متعبني
اجازيك التريده يلي
عشت اوياي
وانه تحت الوساده
وموت قاربني
ولاانكر الطعن وكل كلام انقال
مريض وبالفراش وانته تتشمت
وتحسهاالحوبه منك
وماجزت مني
تود الموت ليه وانه اتعلعل
تماشي اعداي اشوفك
يلي هاملني
ولك وين الوفه يالتحكي وتزامط
ولي طعنات منك بيه
والاثر ذني
تعال اوشوف حالي عندك اجواسيس
وبعدك ماجرت مني وتراقبني
تدري الموت من الله
اليعرف زين
ولتتشمت طحت وبيه اليعذبني
وبعدني ومايهمني من حكي الينقال
وقيل وقال الاسمع
منك البذني
تراقبني واظل شامخ اوعالي والجبل معروف
ولاريح اوعواصف حتئ التهزني
شعر عارف شلش
الساعدي
العراق. بغداد
ليست هناك تعليقات:
إرسال تعليق