ديوان أكاليل الإلكتروني لسفراء القلم

 .................

azza elsayed

................

وليه نحزن كدا علي طول

متيجي نعيشها بالمعقول

تقولي حبيبتي وحياتي

وانا هقولك ياناس عسول

......

متيجي تكون لي سهرايه

َواكون لك سر ما له قرار

نعيش فرحتنا ودوانا

نعيش الجنه مش ف النار

......

متيجي تجيبلي وردايه

تلاقي مني ضحكايه

متيجي نكون كما قالو

مفيش بيني وبينك طار

.....

صباح الحب يا غالي

واهمسلك بأحلي كلام

ومش هسال لفين رايح

ولا حتي هترجع كام

واسيبك تيجي علشاني

وفرحان بيا وبتضحك

......

متيجي نحلها ودي

ونتعشم في وقت خفيف

ونتمسك كدا ب دينا

وندعي يوماتي رب لطيف

.....

نحاول حل مشاكلنا

تعالي نرتب الأوراق

ياريت نسمع صدا قلوبنا

ونتحاور بديل لخناق

ونتمادي في افراحنا

بدل ماتجيب معاها فراق

.....

تكون حياتنا جوانا

وبوجودك هاتحميني

وحبي ليك يعمر بيك

وحبك ليا يحييني

واكون لك ضل وقت الحر

وبرموشك تغطيني

ولو هغلط في يوم انت

بتعليمك تكفينى

azza elsayed