ديوان أكاليل الإلكتروني لسفراء القلم

 ...............

Ismail Abdelhadi

..............

ملااااحظة هااامة ( بالعامية )

خلال الايام الاخيرة

لاحظت مشكلة

وكتر ما تكررت معي اضطريت أنوّه إلها

للأسف .. في بعض

( المنتديات، المجلات والاكاديميات) ويا حبايبي

قلنا بعض .. ومقلناش الكل

أحسن ما حد يطلعلنا ويقول قاصدنا

لمّا يوثقوا العمل

ما بينتبهوا للعنوان

وأحيانا لإسم الناشر

بطلع العنوان غلط

والاسم .. بكون اسمك احمد

بحطُوا يوسف

والأنكى من هيك بكتبولك

مبارك التوثيق ..

بتجي بتبعتلن رسالة

عالخاص والعام لتصحيح الخطأ

ما حد برد بطنشوك وبطنشوا رسالتك

هاي اذا ما طلعولك بحجة

يا عزيزي عنّا اشغالنا وارتباطاتنا

وعنّا وعنّا وخدلك حكي

يا عمي مين قلكو لا تشتغلوا ..

نحنا عارفين انه عنكو مصالح وعنكو ارتباطات والله يعطيكن العافية

احنا قصدنا انكو لمّا بدكو توثقوا تنتبهوا لعنوان النص وتنتبهوا كمان للاسم حفاظا عالملكية من جهة

ومن جهة تانية شهادة تقدير

يفتخر بها ويعتز

بقصد تشيكو قبل ما توثقوا

مو دب دبّتك العافية ويلّا ..

انا شو رح استفيد من التوثيق أو التكريم

الّي كلّه غلط بغلط ؟!..

انا اسمي اسماعيل

بحطولي مرة عباس ومرة محمود

ومن أدبياتي ككاتب ما رح أذكر أسماء

هاي المواقع

انا قصدي بس أوصل رسالة

للّي غلط يصحح

وللباقي إنه ينتبه

وبصراااحة غادرت أكثر من مكان

للسبب عينه وتركتن

لما ما لقيت صدى وما ردوا علي

حتى بكلمة اضطريت أنسحب

وزي ما حكيت إنه هاي الحالة تكررت

وصارت معي في أكثر من منتدى ومجلة ..

بالمحصلة هدفنا نوصل هاي الرسالة

لمن يهمهم الأمر ويعنيهم

أبو آمن