ديوان أكاليل الإلكتروني لسفراء القلم

 ................

زينب سليم أحمد ...

..................

(((

إفترقنا

)))

================

إفترقنا وانتهينا . . . . والحياة اهي رجعت أصعب

ليه بقى كنا ابتدينا . . . . وانت ناوي عليا تلعب

ليه تعيشني بظنوني . . . . ليه بدمعي مليت عيوني

ازاي كدا عينيك باعوني . ولا يوم عليك انا كنت بصعب

كنت فكر يوم فى حالي . . . حسسني لحظة بالإهتمام

ولا شوفني إيه جرالي . . . بَين لي حبك لو كلام

كنت يومها هاحس بيك . . . وبإني غالية كتير عليك

والقى روحي بحن ليك . . . ولا يبقى بينا يوم خصام

ياما قلبي كان بيتحرق . . . . لو حس مرة انك تعبت

بتقولي ليه هانفترق . . . و ازاى كدا لهوانا بعت

ياريتني موتت وقتها . . . . ولا اني كنت سمعتها

لو كنت يومها حسبتها . . . عمرك ماكنت عني غيبت

بسهولة ليه خِسرتني . . . والعشرة هانت ليه أوام ؟؟

وبكل قسوة كسرتني . . . وبعتني من غير كلام

في حياتنا ليه عمال تهد . . . وقابلت ودي بكل صد

هو انت يوم حبيت بجد ؟! . . ولا غرامك كان أوهام

================================

بقلم // زينب سليم أحمد ...