..................
إسماعيل إبراهيمي
................
زمان كان
زمان المحبة و الامان
ما تسمع قال فلان
ولا فعل فلان
كان الخير مشتت في كل مكان
كانت لكلمة لرجال
و الحشمة لنسوان
و في الشدة تضهر و تبان قومان
و اليوم جى زمان
راحت الرحمة من قلوب الانسان
كثر الضلم و كثر العدوان
القلوب كحالت و بالحقد تغلي غليان
على الوسخ الذنيا بنادم جاع و اصبح لهفان
الباطل تنصر و الحق تهان
اصبحت الشهرة حلم كل انسان
و فضحت لمرا عرضها لكل قومان
و راجل غير اسميتو لي قعدت على طرف لسان
او جيل اليوم راه في الخسران
كي الحلال كي الحرام
بالباطل يتماشا و المعقول تهان
بضلم يتباهاو الخبت في كل مكان
شي في رفاهية و شي مسكين في محان
راح الدرويش ضحية او مول المال تحول لسلطان
الخاوة ولات عدوانية و نعادم لامان
هاذو حروف نسجتهم بيدي
و غنيتهم بحلاوة لسان
على ما شافتو في الذنيا عيني
وعلى ما قراتني لايام
و هاذي اغلى تحية
لناس لي ما بذلهم مال و ما همم زمان
قعدت على صورتها الحقيقية
و عاشت حامدة رحمان
تحية و سلام
بقلم زجال المغربي
إسماعيل إبراهيمي
03/12/2021
ليست هناك تعليقات:
إرسال تعليق