................
زينب سليم أحمد ..
.................
((( نسيت هواك )))
*******************
أحلف بإيه يمكن تحس . . إني خلاص نسيت هواك
واني كمان دلوقتي بس . . ولا عدت فاكرة يوم معاك
رجعتلي تاني دنيتي . . . وبدأت ارسم بسمتي
ونسيت عذابي وقهرتي . . والغدر بيا وطول آساك
وانت كمان اكيد في يوم . . . هاتقابل غيري وتعشقه
جايز معاه تنسى الهموم . . . وتحس بيه وتصدقه
ويمكن طباعك تحكمك . . والقسوة جواك تغلبك
وتعذبه . فا يعذبك . . . . وبنار ظنونك تحرقه
جايز كمان انك تخاف . . وتقول خلاص بطلت احب
وتكتشف اخر المطاف . . . انك خسرت أحن قلب
وتقول خلاص هارجعه . . . وبكلمة عمري ما اوجعه
لكن محال راح تخدعه . . بعدما شاف هواك دا غلب
وهاتتندم باقي حياتك . علشان يوم فرطت في حبك
بس هتلقى عمرك فاتك . . . والحسرة راح تكسر قلبك
وهاتتمنى تاني تعود . . . . وتحاول بالود تجود
تلقى حبيبك مش موجود . وقتها بس هاتحس بذنبك
============================
بقلم //. زينب سليم أحمد ..
ليست هناك تعليقات:
إرسال تعليق