...................
صبري حسين
..............
( انا وصديقتي)كلمات/صبري حسين
مالك ساكتة
عنيك دايما زايغة
شايفة الخوف معشش علي وشك
راحت فين ابتسامتك
ليه دايما شاردة
الكلام مخنوق علي لسانك
صديقتي العزيزة
اختي الحبيبة
عايزة أقولك كلمة
من يوم ما عرفتك
وقربت منك
عمري ما أعتبرتك غربية
ولا مجرد معرفة سطحية
انا لما بقولك صديقتي العزيزه
واختي الحبيبة
فعلا ده اللي انا حساه
ومتأكدة انك لامساه
يمكن تكون معرفتنا من خلف شاشة
لكن صدقيني حسيتك
فهمتك
بسمعك حتي في صمتك
بتعذب نفس عذابك
في لحظات المك
بشفق عليك في لحظات ضعفك
أختي الحبيبة
ارجوك فوقي لنفسك
اخلعي رداء حزنك
أغزلي بيدك ثوب فرحك
اختي الحبيبة
الحياة قصيرة
استمتعي بكل دقيقة
لو علي الهموم
صدقيني مافي حد خالي
الكل سهران الليالي
من حاله بيشكي
دموعه علي الخدود بتجري
اختي الحبيبة
انا صديقتك الوفية
افتحي قلبك
فضفضي انا سمعاك
اسندي رأسك علي كتافي
أصرخي بأعلي صوتك
اوعي من شئ تخافي
عمري ما أتخلي عنك
دايما واقفة في ضهرك
معك في حزنك قبل فرحك
انا اختك
اللي ماجابوني ابوك وامك
اختي الحبيبة
نفسي اشوف الضحكة منورة وشك
ارمي كل أحزانك ورا ضهرك
سلمي امرك. لربك
سبحانه احن عليك منك
اختي الحبيبة
أرحمي قلبك
وقفي شلال دموعك
للسعادة والفرح افتحي كل ابوابك
افردي جناحات احلامك
اقتلي كل اوهامك
ارفعي أكف الضراعة لربك
سبحانه هو حسبي وحسبك
صديقتي العزيزة
اختي الحبيبة
انت لي اجمل هدية
غالية اووي علي
بحبك دي الحقيقة
يا نعم الاخت والصديقة
صبري حسين
ليست هناك تعليقات:
إرسال تعليق