................
حسام بخيت
................
قمرك قديم
ياقمر عالي كيف السبيل
ياصاحي بالليل على المواويل
ياصاحب الليل والعمر الطويل
والعمر شيلة والكتاف بتميل
قمرك قديم ياليل
م السقف يتدلّى
والبحر جِتّة ممدة
مسكونة بالعِلّة
عُكاز قديم ضُلف قزاز
وشيش ورق
صورة لِشَب
من غير شنب
برواز خشب
بمسمارين متعلقة
وعيونه طَلّة ف نن عيني مبحلقة
فيهم سؤال
لو اللي فوق الشِفّة تنهيدة عذاب
لو اللي فوق الجبهة تجعيدة غضب
مين اللي فينا مبروزاه
مسامير سنينه
مين اللي فينا معذباه
أوهام حنينه
مين اللي نبضه فيه حياه
مين اللي ع الحيط اتصَلَب .
شعر .. حسام بخيت
ليست هناك تعليقات:
إرسال تعليق