....................
إسماعيل البلبوشى
..................
قصيدة بعنوان /تشابه أسماء
بطلت أطبطب وأدادي
بطلت أصالح وأراضي
والله الواحد مش حامل
تزعلوا تتفلقوا شئ عادي
... ...............
دا أنتوا يتفَات ليك أراضي
وكفاية عمر ضاع عالفاضي
وأحنا بنعدي فيه ونجامل
ورصيدكم نفذ المرادي
...................
وطالما قدرتم على بعادي
سبوني أعيش وأربي ولادي
خاليكم ف حالكم الله الغني
من غير حوارات وكلام فاضي
...............
الود هان والبعد كمان قسى فؤادي
والعمر رايح. ومعدش وقت قصادي
أضيعه مع ناس رغاية غاوي مصالح
يا نهاية حكاية كانت قالبة مزاجي
..................
أنا هتحمل الصعب وهكمل وهعاند
وهتسند على نفسي هأكون جامد
وهأقف وحدي وهتعامل
وعلى نفسي بس هأكون ساند
.....................
بطلت أشيل فنفسي وألوم وأحاسب
بطلت أهري وأتنكد وعليكم مش عاتب
بطلت فعلا أعمل لحد حساب بالكامل
وخسارتكم طلعت بجد مكاسب
......................
بطلت أذيع حياتي بحسن نيه للكل
وأشاركم وأشوف الفرحة فعنيكم بتطل
ربنا بجد يهديكم هدى شامل
محدش فينا كامل ربنا يكفينا شر الغل
........................
غبائي صور لي أن أحنا حبايب
أصلي أنا من يومي واد خايب
وما أتعلمتش حاجة على أيديكم
كنت عايش ليكم ومشيت بمصايب
........................
وما خدتش حاجة منيكم فالحياة
لاطبع ولا أخلاق. يا دوب تشابه أسماء
ربنا يعوض عليا وأشوف الحسرة فعنيكم
والدنيا أذواق. وأنا عارف أنها دار بلاء
.........................
فأنا مش زعلان على الندالة والأستغناء
على أي حالة. على أي غدر تم بغباء
وطعنات فالضهر بأيديكم الرقيقة
على حب لم نفسه ومشى على أستحياء
........................
على هم كنت بنقسمه فيهون. ويكون هباء
على حلم كنا بنحلمه فيكبر ويكون حقيقة
وف دقيقة هدمنا كل براء فالكون ونقاء
وزرعنا كره رواءه شيطان وراعاه بعتناء
فطرح غل وأفترقنا وتم أغتيال أشواقنا
فيا رفاقي خلص نفاقنا فإلى اللقاء
كلمات وأشعار إسماعيل البلبوشى
ليست هناك تعليقات:
إرسال تعليق