..................
مصطفى عماري
.................
كنا البارح ملمومين
زاهين فرحانين
فلذات الكبدة والروح والعين
زارنا الزمان كبرتوا وفرقنا
بقينا في الدار وحدانين
حبكم في القلب ساكن على طول الزمان والسنين
مهما تغيبوا يجمعنا رب العالمين
فرحة وهناء من قلبي نتمنى ليكم
الله يحفظكم ويرعاكم
يحميكم علي معاديكم
الدنيا فانية ولا حال يدوم
زورونا وأنتم نعم الزايرين
قلبنا ليكم مشتاق يا الغالين
نشوفكم بخير يفرح القلب
ومالفرحة تدمع العين
ما تنساوشي رضى الله
ورضاية الوالدين
عامكم سعيد مبروك
وإن شاء الله ديما فرحانين
لميمة مشتاقة ليكم
فراقكم ما عاد ينطاق
الوحدة دارت فينا والتفكير
الله يوصلكم لينا على خير
آمين آمين آمين
بجاه الله الله القدير
وشفاعة نبي المرسلين(ص).
الشاعر مصطفى عماري
ليست هناك تعليقات:
إرسال تعليق